Fréttir

Það þarf ekki alltaf sérstakt tilefni til að fá sér eitthvað gott með kaffinu. Það getur verið sérstaklega gaman að bjóða upp á bollakökur, hvort sem er heima við, í sumarbústaðnum eða í kaffinu í vinnunni. Það toppar fátt gómsætt karamellubragðið með smjörkreminu á bollakökunum frá okkur í Tertugalleríinu. Verðið mun koma þér á óvart.

Neðra þrep virðisaukaskatts á matvöru hækkaði úr 7% í 11% nú um áramótin. Tertugallerí hefur á undanförnum árum haldið verðhækkunum í lágmarki en kemst ekki hjá því að bregðast við að þessu sinni.

Um áramót tíðkast að líta yfir farinn veg og taka ákvarðanir um framhaldið. Sumir strengja áramótaheit, en aðrir nota tækifærið og taka stórt skref í sambandi sínu við maka sinn og bera upp bónorðið. Það er ástæðulaust að mikla fyrir sér vinnu við undirbúning brúðkaupsins, sérstaklega ef brúðhjónin verðandi fá okkur hjá Tertugalleríinu til að baka brúðkaupstertuna og annað góðgæti.

Aðfangadagur nálgast óðfluga og margir stjórnendur fyrirtækja farnir að huga að því hvernig hægt er að koma viðskiptavinum þeirra og samstarfsfólki á óvart með óvæntum glaðningi. Kransablóm með súkkulaði frá Tertugalleríinu eru fyrirtaks tækifærisgjöf hvort heldur er í skóinn, í pakkann eða með aðventukaffinu.

Jólastjörnurnar, jólatertur Tertugallerísins, hafa heldur betur slegið í gegn á aðventunni. Hægt er að prenta hvaða mynd sem hentar á terturnar og hafa skarpskyggnir viðskiptavinir þegar uppgötvað að snjókornin á köntunum á Jólastörnunum henta einstaklega vel með myndum af persónunum úr Frozen-teiknimyndinni.