Nýtt útlit á vinsælu brauðtertunum!

Tertugalleríið hefur fyrir löngu slegið í gegn með sínu góða úrvali af tertum af öllu tagi. Á sama tíma og Tertugalleríið byrjaði að bjóða upp á brauðtertur átti sér mikill vöxtur í vinsældum brauðtertanna á Íslandi.

Upp spruttu Facebook hópar um brauðtertur eins og Brauðtertufélag Erlu og Erlu sem hefur notið mikilla vinsælda enda sýnir fólk mikið listfengi þar í hönnun sinni.

Elsta auglýsing sem við höfum fundið fyrir brauðtertur er síðan í nóvember 1959 í Morgunblaðinu en þar má sjá Brauðborg á Frakkastíg 14 auglýsa Cocktailsnittur, Kanapin og brauðtertur. Það er því ljóst að brauðtertuhefðin er orðin vel gróin á landinu og því ber að fagna - með brauðtertu að sjálfsögðu.

Gerðu þér lífið létt og pantaðu þér gómsæta brauðtertu frá Tertugalleríinu. Við getum glatt þig með því að við erum komin með nýtt útlit á þær. Eins og áður eru þær stílhreinar sem ætti að falla að smekk sem flestra. Að auki er ágætt að hafa hugfast að það er líka hægt að bæta örlitlu af skrauti við til að gera þær aðeins einstakari útlits.

Kíktu á nýju brauðterturnar okkar!